ჩვენ ვქმნით სწავლების STEM/STEAM მიდგომებზე დაფუძნებულ კურიკულუმს, რომელიც შესაბამისობაშია ეროვნულ სასწავლო გეგმასთან.
ჩვენი შეთავაზება მოიცავს შემდეგ ძირითად კომპონენტებს:
ინტერდისციპლინური სწავლება: ჩვენი სასწავლო გეგმა აერთიანებს STEM/STEAM-ში შემავალ ყველა დისციპლინას, რაც უზრუნველყოფს ჰოლისტური ხედვის ჩამოყალიბებას მასწავლებლებსა და მოსწავლეებში.
ჯგუფური მუშაობა: ჩვენ ხაზს ვუსვამთ თანამშრომლობით სწავლებას გუნდური მუშაობის განხორციელების გზით.
სწავლა კეთებით: ჩვენი სასწავლო სცენარები ფოკუსირებულია კეთებით სწავლებაზე, სადაც მოსწავლეები/სტუდენტები აქტიურად არიან ჩართული პრაქტიკულ აქტივობებში. ეს მიდგომა აძლიერებს თეორიულ ცოდნას პრაქტიკული გამოყენების გზით.
პროექტზე და პრობლემაზე დაფუძნებული სწავლება: ჩვენი პროგრამები შეიცავს პრობლემაზე და პროექტზე დაფუძნებული სწავლების კომპონენტებს, სადაც მოსწავლეები/სტუდენტები მუშაობენ რთულ, რეალურ სამყაროში არსებულ პრობლემებზე და მათ გადაჭრის გზებზე. ასეთი სწავლება ავითარებს კრიტიკულ აზროვნებას და პრობლემის გადაჭრის უნარს. ამავდროულად, პროექტზე მუშაობა აძლიერებს მოსწავლეების/სტუდენტების ანალიტიკურ და კვლევით უნარებს.
ტექნოლოგიებისა და ინჟინერიის ინტეგრაცია: ჩვენ ვაერთიანებთ უახლეს ტექნოლოგიებსა და საინჟინრო ცნებებს სასწავლო გეგმაში, რაც მოსწავლეებს/სტუდენტებს აცნობს ამ სფეროებში მიმდინარე ტენდენციებსა და ინოვაციებს.
მასწავლებელზე მორგებული დიზაინი: ჩვენი სასწავლო გეგმები შექმნილია ისე, რომ ადვილად იყოს ინტეგრირებული არსებულ სასწავლო პროცესებში. სცენარების გამოყენება უადვილდებათ სკოლის მასწავლებელს, რაც საკლასო ოთახში სწავლების STEM/STEAM მიდგომის დანერგვას განაპირობებს.
ჩვენი STEM/STEAM სასწავლო გეგმის გამოყენების უპირატესობებია:
მოსწავლეთა/სტუდენტთა აქტიური ჩართულობა სასწავლო პროცესში: მოსწავლეების/სტუდენტების ჩართვით პრაქტიკულ, პროექტზე დაფუძნებულ აქტივობებში, ჩვენი სასწავლო გეგმა აძლიერებს მათ ინტერესს სწავლის მიმართ.
კრიტიკული უნარების განვითარება: ჩვენი მიდგომა ხელს უწყობს კრიტიკულ აზროვნებას, შემოქმედებითობას, პრობლემების გადაჭრისა და თანამშრომლობით უნარებს, ამზადებს მომავალ თაობას მომავალი კარიერული გამოწვევებისთვის.
სამყაროს შეცნობა: მოსწავლეები და სტუდენტები სწავლობენ აკადემიური ცნებების გამოყენებას რეალურ სამყაროში, რაც ფორმალური განათლების პროცესს უფრო აქტუალურს, საინტერესოს და პრაქტიკულს ხდის.
მომზადება მომავლის ტექნოლოგიებისთვის: სწრაფად განვითარებად სამყაროში მოსწავლეები და სტუდენტები არ ჩამორჩებიან სიახლეებს და მუდმივად ეცნობიან თანამედროვე მიღწევებს ტექნოლოგიების ყველა დარგში.
აკადემიური მოსწრების გაძლიერება: სხვადასხვა დისციპლინისა და აქტიური სწავლის მიდგომების ინტეგრაცია იწვევს აკადემიური მოსწრების გაუმჯობესებას და საკითხების სიღრმისეულ გააზრებას.
მასწავლებელთა პროფესიული განვითარება: მასწავლებლები იღებენ ყოვლისმომცველ სასწავლო გეგმას რესურსებითა და თეორიული (სურვილის შემთხვევაში პრაქტიკული) მხარდაჭერით, რაც მათ საშუალებას აძლევს ეფექტურად და თავდაჯერებულად ასწავლონ.
ჩვენი სასწავლო გეგმა ადაპტირებადია თითოეული საგანმანათლებლო დაწესებულების სპეციფიკურ საჭიროებებთან და მიზნებთან.
ჩვენი STEM/STEAM სასწავლო გეგმის დანერგვით, საგანმანათლებლო დაწესებულებებს შეუძლიათ მომხმარებლებს შესთავაზონ უახლესი, ინტერდისციპლინური და 21-ე საუკუნის უნარებზე ორიენტირებული განათლება, რომელიც ერთდროულად საინტერესოა როგორც სწავლის, ისე სწავლების პროცესისთვის.
