STEAMit-მა და საქართველოს ტექნოპარკმა უმასპინძლეს IX-X-XI კლასის მოსწავლეებს, რომლებიც საქართველოს მონაწილეთა ასოციაციის EPAG-ის სასწავლო ვიზიტების პროგრამის მე-5 ნაკადის მონაწილეები არიან.
ვიზიტის მიზანი იყო მოსწავლეებისთვის STEAM (Science, Technology, Engineering, Art, Mathematics) სფეროს პრაქტიკული გაცნობა, ინოვაციური იდეებისა და ტექნოლოგიების უშუალო გარემოში დანახვა და სფეროში მომუშავე პროფესიონალებთან უშუალო კომუნიკაცია.
ვიზიტის ფარგლებში მოსწავლეებს ჩაუტარდათ ინფორმაციული ტური ფაბლაბში, გაეცნენ დანადგარებს და მიიღეს ინფორმაცია ლაბორატორიაში შესრულებულ საინტერესო Hardware პროექტებზე. მონაწილეები გაეცნენ STEAM განათლების პრინციპებს და შესაძლებლობებს, პრაქტიკულად იმუშავეს სთიმითის მიერ წარმოებულ STEAM საგანმანათლებლო ნაკრებზე.
მსგავსი შეხვედრები ხელს უწყობს ახალგაზრდების პროფესიულ ორიენტაციას, მათთვის ახალი შესაძლებლობების აღმოჩენას და STEAM სფეროში მათი ინტერესის გაღრმავებას.
