STEAMit-ის მიერ წარმატებით განხორციელდა სამოქალაქო მეცნიერების STEM ბანაკი, რომელიც მოიცავდა ორდღიან ინტენსიურ პროგრამას და მიზნად ისახავდა ხობისა და ფოთის სკოლების მოსწავლეებისთვის ეკოლოგიური, ტექნოლოგიური და კვლევითი კომპეტენციების განვითარებას გარემოს ფიზიკურ პარამეტრებზე დაკვირვების გზით.
პროექტის ფარგლებში შევქმენით გარემოს მონიტორინგის საგანმანათლებლო დანიშნულების მოწყობილობა EcoLab-ი, რომელიც ჰაერის ფარდობითი ტენიანობის, ტემპერატურის, განათებულობის, ჰაერში მავნე აირების კონცენტრაციის, ჰაერის ხარისხის,
წყლის TDS და ტემპერატურის, წყლის pH-ის, წყლის სიმღვრივის, ხმაურით დაბინძურების სენსორებს მოიცავს.
შეხვედრების განმავლობაში მონაწილეებმა შეისწავლეს, თუ როგორ ხდება გარემოს პარამეტრების შეგროვება, დამუშავება და სერვერზე გადაცემა, სენსორების ინტეგრაცია მიკროკონტროლერთან და როგორ შეიძლება მიღებული მონაცემების გამოყენება გარემოს მდგომარეობის შესაფასებლად.
ინიციატივა განხორციელდა კომპანია სთიმითის მიერ დანიის მთავრობისა და გაეროს განვითარების პროგრამის (UNDP) ხელშეწყობით, „მწვანე მომავალი, უფლებები და სტაბილურობა“ პროექტის ფარგლებში.
