2025 წლის 26 აპრილს აკაკი წერეთლის სახელმწიფო უნივერსიტეტში პროექტის STEM-UPD ფარგლებში ჩატარდა დასკვნითი ტრენინგი. ტრენინგი განკუთვნილი იყო იმერეთის რეგიონის მასწავლებლებისა და აწსუს სტუდენტებისთვის. მას უძღვებოდნენ აკაკი წერეთლის სახელმწიფო უნივერსიტეტის ტრენერები — პედაგოგიური ფაკულტეტის დეკანი მამული ბუჭუხიშვილი, ინფორმაციული ტექნოლოგიების მოწვეული სპეციალისტი ნოდარ ცაგრეიშვილი, ასოცირებული პროფესორები ნათია ღაჭავა და მადონა სამხარაძე — ასევე კომპანია STEAMit · სთიმითის დამფუძნებლები მედეა აბრამიშვილი და მამუკა აფაქიძე.
დასკვნით ტრენინგზე მასწავლებლებს გადაეცათ STEM სასწავლო ნაკრებები, რაც მათ შესაძლებლობას აძლევს თავად დანერგონ მათ მიერ შექმნილი STEM საგაკვეთილო სცენარები პრაქტიკაში და გააძლიერონ სწავლების პროცესში მოსწავლეთა ჩართულობა და ინტერესები.
