სთიმითის ვორკშოპების სერია მასწავლებლებთან გრძელდება.
19 ოქტომბერს იაკობ გოგებაშვილის სახელობის თელავის სახელმწიფო უნივერსიტეტის განათლების მეცნიერებათა ფაკულტეტზე, კახეთის რეგიონის საბუნებისმეტყველო საგნების მასწავლებლებისათვის ვორქშოპი „STEM - STEAM პრაქტიკა ფორმალურ განათლებაში“ ჩატარდა. ტრენერებმა მასწავლებლებს, სწავლების STEM - STEAM მიდგომები, შესაბამისი პროექტების დაგეგმვისა და დანერგვის მეთოდები გააცნეს.
ვორკშოპის ფარგლებში მასწავლებლებმა „სთიმითის“ STEAM ნაკრებზე პრაქტიკულად იმუშავეს. შეხვედრა ტრადიციულად პროექტების პრეზენტაციით და განხილვით დასრულდა.
როგორც ჩვენმა კვლევამ აჩვენა, მასწავლებლებთან STEAM ვორკშოპების ჩატარება აუცილებელია მათში STEAM ცნობიერების ამაღლებისთვის და პრაქტიკაში სწორად დანერგვისთვის.
