ვებგვერდზე steamit.ge ვიზიტისას, გთხოვთ, ყურადღებით გაეცნოთ ჩვენს კონფიდენციალურობის პოლიტიკას. შესაძლოა,  კონფიდენციალურობის პოლიტიკა პერიოდულად განახლდეს ან შეიცვალოს, შესაბამისად, steamit.ge მოგიწოდებთ რეგულარულად გადაამოწმოთ აღნიშნული პოლიტიკა.

მომხმარებელი, რომელიც საკუთარი სურვილით მიაწოდებს steamit.ge-ს პერსონალურ მონაცემებს, ავტომატურად ანიჭებს უფლებას steamit.ge-ს გამოიყენოს აღნიშნული მონაცემები შენახვისა და დამუშავების მიზნებისათვის.

წინამდებარე კონფიდენციალურობის პოლიტიკა განსაზღვრავს steamit.ge-ს მიერ მომხმარებლის პერსონალური მონაცემების დამუშავების მიზნებს, წესებს, გამოყენებისა და შენახვის პირობებს. steamit.ge  იღებს ვალდებულებას, დაიცვას მომხმარებელთა პერსონალური მონაცემები „პერსონალურ მონაცემთა დაცვის შესახებ“ საქართველოს კანონითა და ევროკავშირის მონაცემთა დაცვის ზოგადი რეგლამენტით (GDPR).

აღნიშნული დოკუმენტი წარმოადგენს steamit.ge-ს ვებგვერდით სარგებლობის წესებისა და პირობების განუყოფელ ნაწილს.

ტერმინთა განმარტება

წინამდებარე დკუმენტში გამოყენებულ ტერმინებს აქვს შემდეგი მნიშვნელობა:

  • steamit.ge - საქართველოს კანონმდებლობის შესაბამისად დაფუძნებული შპს “სთიმითი”, საიდენტიფიკაციო კოდი - 400365001.
  • პერსონალური მონაცემი – ნებისმიერი ინფორმაცია, რომელიც იდენტიფიცირებულ ან იდენტიფიცირებად ფიზიკურ პირს უკავშირდება. ფიზიკური პირი იდენტიფიცირებადია მაშინ, როდესაც შესაძლებელია მისი იდენტიფიცირება პირდაპირ ან არაპირდაპირ, მათ შორის: სახელით, გვარით, საიდენტიფიკაციო ნომრით, გეოლოკაციის მონაცემებით, ელექტრონული კომუნიკაციის მაიდენტიფიცირებელი მონაცემებით, ფიზიკური, ფიზიოლოგიური, ფსიქიკური, ფსიქოლოგიური, გენეტიკური, ეკონომიკური, კულტურული ან სოციალური მახასიათებლებით.
  • მონაცემთა დამუშავება – მონაცემთა მიმართ განხორციელებული ნებისმიერი ქმედება, მათ შორის: შეგროვება, მოპოვება, წვდომა, ფოტოგადაღება, ვიდეო ან აუდიო მონიტორინგი, ორგანიზება, დაჯგუფება, ურთიერთდაკავშირება, შენახვა, შეცვლა, აღდგენა, გამოთხოვა, გამოყენება, დაბლოკვა, წაშლა ან განადგურება. აგრეთვე, გადაცემა, გასაჯაროება, გავრცელება ან სხვაგვარი ფორმით ხელმისაწვდომად გახდომა.
  • მონაცემთა სუბიექტი (მომხმარებელი) – ფიზიკური პირი, რომლის შესახებაც მუშავდება მონაცემები.
  • მონაცემთა სუბიექტის (მომხმარებლის) თანხმობა – მონაცემთა სუბიექტის მიერ შესაბამისი ინფორმაციის მიღების შემდეგ მის შესახებ მონაცემთა კონკრეტული მიზნით დამუშავებაზე აქტიური მოქმედებით, წერილობით (მათ შორის, ელექტრონულად) ან ზეპირად, თავისუფლად და მკაფიოდ გამოხატული ნება;
  • დამუშავებისთვის პასუხისმგებელი პირი – ფიზიკური ან იურიდიული პირი, ან საჯარო დაწესებულება, რომელიც განსაზღვრავს მონაცემთა დამუშავების მიზნებსა და საშუალებებს და თვითონ ან დამუშავებაზე უფლებამოსილი პირის მეშვეობით ახორციელებს მონაცემთა დამუშავებას.
  • მესამე პირი – ფიზიკური, იურიდიული პირი ან საჯარო დაწესებულება, გარდა მონაცემთა სუბიექტისა, პერსონალურ მონაცემთა დაცვის სამსახურისა, დამუშავებისთვის პასუხისმგებელი პირისა და დამუშავებაზე უფლებამოსილი პირისა.

თანხმობა

steamit.ge-ს ვებგვერდზე სარგებლობა მიიჩნევა მომხმარებლისმიერ კონფიდენციალურობის პოლიტიკის თაობაზე თანხმობად. შესაბამისად, მომხმარებელი steamot.ge-ს ანიჭებს უფლებას დაამუშაოს, შეინახოს და გამოიყენოს მომხმარებლის მიერ მიწოდებული პერსონალური ხასიათის ინფორმაცია.

აღნიშნული ინფორმაცია steamit.ge-ს მიერ გამოყენებული იქნება მომსახურების გაწევის მიზნებიდან გამომდინარე მოქმედი კანონმდებლობის გათვალისწინებით. წინააღმდეგ შემთხვევაში steamit.ge მოკლებულია შესაძლებლობას მომხმარებელს გაუწიოს რაიმე სახის  მომსახურება და შევიდეს სახელშეკრულებო ურთიერთობაში.

მონაცემთა დამუშავების საფუძველი

steamit.ge-ს და უფლებამოსილი პირის მიერ მომხმარებლის პერსონალური მონაცემების დამუშავების სამართლებრივი საფუძველი არის შემდეგი:

  • მონაცემთა დამუშავება აუცილებელია მონაცემთა სუბიექტთან დადებული გარიგებით ნაკისრი ვალდებულების შესასრულებლად ან/და მონაცემთა სუბიექტის მოთხოვნით გარიგების დასადებად;
  • მომხმარებლის თანხმობის საფუძველზე;
  • მისთვის სახელშეკრულებო ურთიერთობით დაკისრებული მოვალეობების შესასრულებლად;
  • მონაცემთა დამუშავება აუცილებელია მომხმარებლისათვის მომსახურების გასაწევად.

მომხმარებლის პერსონალური მონაცემების დამუშავების მიზანი

  • steamit.ge-ს მომსახურების ხარისხის გაუმჯობესება;
  • Steamit.ge-ს კანონმდებლობით დადგენილი ვალდებულებების ჯეროვნად შესრულება;
  • მომხმარებლის მიერ წაყენებული პრეტენზიების აღმოფხვრა;
    მომხმარებლის მიერ ვებგვერდზე გამოვლენილი აქტივობების მონიტორინგი;
  • Steamit.ge-ზე განახლებული მონაცემების მომხმარებლებისათვის შეტყობინება;
  • მომხმარებელთან ეფექტური კომუნიკაცია;
  • მომხმარებლის მიერ უკუკავშირის დამყარება;
  • Steamit.ge-ს მიერ დანერგილი სიახლეების გამოცდა;
  • ვებგვერდზე ახალი პროდუქტებისა და სიახლეების დანერგვა (მაგალითად: ახალი პროდუქტები, კურსები, ბანაკები და სხვა აქტივობები);
  • მომხმარებლების იმ ჯგუფთა განსაზღვრა, რომელთათვის უნდა განხორციელდეს შესაბამისი სიახლეების შეთავაზება;
  • მარკეტინგული და სხვა სახის აქტივობების განხორციელება;
  • მომხმარებლის მიერ განხორციელებული შესყიდვების თაობაზე ინფორმაციის მიწოდება;
  • მომხმარებლის მიერ ფულადი ვალდებულების შესრულების თაობაზე უფლებამოსილი მესამე პირისგან ინფორმაციის მიღება;
  • Steamit.ge-ს სისტემის არამართლზომიერი გამოყენების პრევენცია;
  • საქართველოს სისხლის სამართლის კოდექსით გათვალისწინებული დანაშაულის პრევენცია;
  • სახელმწიფო კომპეტენტური ორგანოებისათვის მონაცემების მიწოდება კანონით გათვალისწინებულ შემთხვევებში;
  • კანონიერი ინტერესების დაცვა;
  • Steamit.ge-თვის პერსონალურ მონაცემთა დაცვის შესახებ საქართველოს კანონით მინიჭებული სხვა ლეგიტიმური მიზანი.
  •  

მომხმარებელთა უფლებამოსილება

მომხმარებელს უფლება აქვს Steamit.ge-ს მოსთხოვოს მონაცემთა დამუშავების შესახებ შემდეგი ინფორმაცია:

  • მომხმარებლის შესახებ რომელი მონაცემები მუშავდება Steamit.ge-ს მიერ;
  • მონაცემთა დამუშავების მიზანი;
  • მონაცემთა დამუშავების სამართლებრივი საფუძველი;
  • რა გზით შეგროვდა/მოპოვებულ იქნა მონაცემები;
  • ვისზე გაიცა მომხმარებლის შესახებ მონაცემები, მონაცემთა გაცემის საფუძველი და მიზანი (ასეთის არსებობის შემთხვევაში);
  • მონაცემთა შენახვის ვადის ან მისი განსაზღვრის კრიტერიუმის შესახებ;
  • ავტომატიზებული დამუშავების, მათ შორის, პროფაილინგის შედეგად მიღებული გადაწყვეტილების და იმ ლოგიკის შესახებ, რომელიც გამოიყენება ამგვარი გადაწყვეტილების მისაღებად, აგრეთვე მონაცემთა დამუშავებაზე მისი გავლენისა და დამუშავების მოსალოდნელი/სავარაუდო შედეგის თაობაზე;
  • მონაცემთა გაცნობისა და ასლის მიღების უფლება;

მომხმარებელს უფლება აქვს, ზემოაღნიშნული ინფორმაცია მიიღოს მისი მოთხოვნიდან არაუგვიანეს 10 სამუშაო დღისა. ეს ვადა განსაკუთრებულ შემთხვევებში და სათანადო დასაბუთებით შეიძლება გაგრძელდეს არაუმეტეს 10 სამუშაო დღით, რის შესახებაც მომხმარებელს ეცნობება დაუყოვნებლივ.

Steamit.ge-ს საქმიანობის სპეციფიკიდან გამომდინარე, მისი მხრიდან მომხმარებლის ინფორმირება ხორციელდება ელექტრონული ფორმით.

მომხმარებლის მიერ მოთხოვნის წარდგენიდან 10 სამუშაო დღის ვადაში Steamit.ge ვალდებულია გაასწოროს/განაახლოს/შეავსოს მომხმარებლის შესახებ მცდარი/არაზუსტი/არასრული მონაცემ(ებ)ი ან მომხმარებელს აცნობოს მოთხოვნაზე უარის თქმის საფუძველი და განუმარტოს მისი გასაჩივრების წესი.

მომხმარებელს უფლება აქვს Steamit.ge-ს მოსთხოვოს მის შესახებ მონაცემთა დამუშავების (მათ შორის, პროფილირება) შეწყვეტა, წაშლა ან განადგურება. მომხმარებლის მიერ მოთხოვნის წარდგენიდან 10 სამუშაო დღის ვადაში Steamit.ge ვალდებულია შეწყვიტოს/წაშალოს ან გაანადგუროს მომხმარებლის შესახებ არსებული მონაცემები ან მომხმარებელს აცნობოს მოთხოვნაზე უარის თქმის საფუძველი და განუმარტოს მისი გასაჩივრების წესი.

იმ შემთხვევაში, თუ მომხმარებელი სადაოს ხდის მონაცემების ნამდვილობას ან სიზუსტეს; მონაცემთა დამუშავება უკანონოა, თუმცა მომხმარებელი ეწინააღმდეგება მათ წაშლას და ითხოვს მონაცემთა დაბლოკვას; მონაცემები საჭირო აღარ არის მათი დამუშავების მიზნის მისაღწევად, თუმცა მომხმარებელს ისინი სჭირდება საჩივრის/სარჩელის წარსადგენად; მომხმარებელი მოითხოვს მონაცემთა დამუშავების შეწყვეტას, წაშლას ან განადგურებას და მიმდინარეობს ამ მოთხოვნის განხილვა; არსებობს მონაცემების მტკიცებულებად გამოყენების მიზნით შენახვის აუცილებლობა; მომხმარებელს უფლება აქვს Steamit.ge-ს მოსთხოვოს მის შესახებ არსებულ მონაცემთა დაბლოკვა. 

მომხმარებელს უფლება აქვს მიიღოს ინფორმაცია მონაცემთა დაბლოკვის თაობაზე მიღებული გადაწყვეტილების ან მონაცემთა დაბლოკვაზე უარის თქმის საფუძვლის შესახებ გადაწყვეტილების მიღებისთანავე, დაუყოვნებლივ, მაგრამ არაუგვიანეს მოთხოვნიდან 3 (სამი) სამუშაო დღისა. გარდა მონაცემთა შენახვისა, ისინი Steamit.ge-ს მიერ შესაძლოა სხვაგვარად დამუშავდეს შემდეგ შემთხვევებში: მომხმარებლის თანხმობით; სამართლებრივი მოთხოვნის ან შესაგებლის დასასაბუთებლად; Steamit.ge-ს ან მესამე პირის ინტერესების დასაცავად; კანონის შესაბამისად, საჯარო ინტერესის დასაცავად.

იმ შემთხვევაში, თუ მომხმარებელი განაცხადებს თანხმობას მის შესახებ მონაცემთა ერთი ან რამდენიმე კონკრეტული მიზნით დამუშავებაზე ან/და მონაცემთა დამუშავება აუცილებელია მომხმარებელთან დადებული გარიგებით ნაკისრი ვალდებულების შესასრულებლად ან მომხმარებლის მოთხოვნით გარიგების დასადებად; ან/და მომხმარებელმა განაცხადა წერილობითი თანხმობა ერთი ან რამდენიმე კონკრეტული მიზნით განსაკუთრებული კატეგორიის მონაცემთა დამუშავებაზე (ასეთის არსებობის შემთხვევაში); იგი უფლებამოსილია Steamit.ge-გან სტრუქტურიზებული, საზოგადოდ გამოყენებადი და მანქანურად წაკითხვადი ფორმატით მიიღოს მის მიერ მიწოდებული მონაცემები ან მოითხოვოს ამ მონაცემთა სხვა დამუშავებისთვის პასუხისმგებელი პირისთვის გადაცემა.

მომხმარებელს უფლება აქვს, არ დაექვემდებაროს Steamit.ge-ს მიერ მხოლოდ ავტომატიზებულად, მათ შორის, პროფილირების საფუძველზე, მიღებულ გადაწყვეტილებას, რომელიც მისთვის წარმოშობს სამართლებრივ ან სხვა სახის არსებითი მნიშვნელობის მქონე შედეგს, გარდა იმ შემთხვევისა, როდესაც პროფილირების საფუძველზე გადაწყვეტილების მიღება ეფუძნება მომხმარებლის აშკარად გამოხატულ თანხმობას; აუცილებელია მომხმარებლისა და Steamit.ge-ს შორის ხელშეკრულების დასადებად ან ხელშეკრულების შესასრულებლად; გათვალისწინებულია კანონით ან კანონის საფუძველზე დელეგირებული უფლებამოსილების ფარგლებში გამოცემული კანონქვემდებარე ნორმატიული აქტით.

მომხმარებელს უფლება აქვს ნებისმიერ დროს განაცხადოს უარი მის მიერ Steamit.ge-თვის მიცემულ თანხმობაზე და მოითხოვოს მონაცემთა დამუშავების შეწყვეტა ან/და დამუშავებული მონაცემების წაშლა/განადგურება, Steamit.ge-ს მხარდაჭერის გუნდისათვის ელექტრონული ფოსტის საშუალებით. ასეთ შემთხვევაში, Steamit.ge, თავის მხრივ, 10 (ათი) სამუშაო დღის ვადაში გააუქმებს მომხმარებლის პირად ანგარიშს და შეწყვეტს მონაცემთა დამუშავებას ან/და გაანადგურებს დამუშავებულ მონაცემებს, თუ მონაცემთა დამუშავების სხვა საფუძველი არ არსებობს. დათანხმებამდე მომხმარებელს უფლება აქვს, Steamit.ge-ს მოსთხოვოს და მიიღოს ინფორმაცია დათანხმების შემთხვევაში შესაძლო შედეგების შესახებ.

მომხმარებელი უფლებამოსილია „პერსონალურ მონაცემთა დაცვის შესახებ“ საქართველოს კანონით გათვალისწინებული უფლებების დარღვევის შემთხვევაში მიმართოს პერსონალურ მონაცემთა დაცვის სამსახურს ან სასამართლოს.

მომხმარებლის ვალდებულება

მომხმარებელი ვალდებულია steamit.ge-ს მიაწოდოს სრულყოფილი და სწორი ინფორმაცია შემდგომში მომსახურების მიღების მიზნით. აღნიშნული ვალდებულება ასევე ვრცელდება მომხმარებლის მიერ მიწოდებული ინფორმაციის ცვლილებეზე.

steamit.ge-ის ვებ-გვერდის გამოყენების პირობები

მომხმარებლის მიერ steamit.ge-ს ვებგვერდის გამოყენებით მომხმარებელი აცხადებს თანხმობას steamit.ge-ს მიერ პერსონალური მონაცემებისა და მზა ჩანაწერების(Cookies) შენახვასა და დამუშავებაზე.

მომხმარებელი ვალდებულია steamit.ge-ს მიაწოდოს სრული და სწორი ინფორმაცია, ცვლილებების შემთხვევაში განაახლოს მის მიერ მიწოდებული ინფორმაცია.

არასრულწლოვანი პირი

steamit.ge მოკლებულია შესაძლებლობას გადაამოწმოს მომხმარებლის მიერ მითითებული ინფორმაციის უტყუარობა და სისწორე, მათ შორის, მომხმარებლის ასაკი. არასრულწლოვანი პირისათვის რეგისტრაცია შესაძლებელია მშობლის/კანონიერი წარმომადგენლის თანხმობით. თუ თქვენთვის ცნობილი გახდა, რომ steamit.ge -ზე რეგისტრირებული პირი არ არის სრულწლოვანი და არ აქვს კანონიერი წარმომადგენლის თანხმობა ვებგვერდით სარგებლობასთან დაკავშირებით, გთხოვთ, გვაცნობოთ აღნიშნულის თაობაზე.

ვის ვუზაირებთ ინფორმაციას?

პერსონალური მონაცემების გაზიარება ხორციელდება პარტნიორი საკურიერო მომსახურების გამწევი კომპანიისათვის, კერძოდ, შპს “ექსპრეს ხაზი” (საიდენტიფიკაციო კოდი: 405178258, რეგისტრირებული: საქართველო, თბილისი, უზნაძის N4), რომელიც უზრუნველყოფს მომხმარებლისათვის შეძენილი პროდუქციის მიწოდებას მის მიერ მითითებულ მისამართზე. საკურიერო მომსახურების გამწევ პარტნიორ კომპანიას მომხმარებლის შესახებ გადაეცემა შემდეგი სახის ინფორმაცია: შეკვეთის დეტალები, სახელი, გვარი, მისამართი და საკონტაქტო ნომერი. პარტნიორი საკურიერო კომპანიისათვს მიწოდებული ინფორმაცია გამოყენებული იქნება მხოლოდ შეძენილი პროდუქციის მიწოდების მიზნით.

მომხმარებლის პერსონალური მონაცემების გაზიარება შესაძლებელია საჭირო გახდეს საქართველოს მოქმედი კანონმდებლობით გათვალისწინებულ შემთხვევებში, დანაშაულის დადგენის, გამოძიების ან დანაშაულის აღკვეთის მიზნით.

მომხმარებლის ინტერესებიდან გამომდინარე, პირდაპირი მარკეტინგის გზით, სარეკლამო მასალების მოწოდების, მომხმარებლისათვის საინტერესო მომსახურების, პროდუქციის, სერვისებისა და მომსახურების ხარისხის გაუმჯობესების მიზნით, Steamit.ge-ს, მომხმარებლის თანხმობის შემთხვევაში, შეუძლია ისარგებლოს მომხმარებლის პერსონალური ინფორმაციით, კერძოდ, სახელით და ელფოსტის მისამართით/ტელეფონის ნომრით.

Steamit.ge უფლებამოსილია პერსონალური ინფორმაცია გაუზიაროს საქართველოს მოქმედი კანონმდებლობით გათვალისწინებულ შემთხვევებში ნებისმიერ მესამე პირს.

Cookies

Cookie (მზა-ჩანაწერები) არის მცირე ზომის ტექსტური ფაილი, რომელსაც თქვენი ბრაუზერი ან აპლიკაცია ინახავს თქვენს მოწყობილობაში (კომპიუტერში, სმარტფონში ან პლანშეტში). ეს ფაილები ეხმარება ვებგვერდს შეუფერხებელ ფუნქციონირებასა და ეფექტურობის გაუმჯობესებაში. Cookie ფაილების დახმარებით ხდება ვებგვერდების გამოყენებაზე დაკვირვება, მომხმარებლის გამოცდილების პერსონალიზება და ვებგვერდის გაუმჯობესება. 

მონაცემთა მიღება

steamit.ge ინფორმაციას იღებს შემდეგი წყაროებიდან:

  • როდესაც მომხმარებელი ავსებს ვებგვერდის სარეგისტრაციო ფორმას;
  • როდესაც კომუნიკაცია ხდება ტელეფონის ან ელექრონული ფოსტის მეშვეობით.

რა სახის მონაცემები მუშავდება

ვებგვერდზე რეგისტრაციისას მომხმარებელი უთითებს შემდეგ ინფორმაციას:

  • სახელი და გვარი;
  • მობილური;
  • ელექტრონული ფოსტა;
  • მისამართი;
  • ასაკი;
  • მომხმარებლის სახელი;
  • სისტემაში შესასვლელი პაროლი.

რეგისტრაციისთვის აუცილებელია აღნიშნული ინფორმაციის მითითება, რომლის გარეშე მომხმარებელი ვერ განახორციელებს ვებგვერდზე რეგისტრაციას.

მომხმარებლის მიერ პროდუქტის არჩევისა და ვირტუალურ კალათაში მოთავსების შემდეგ, შეკვეთის დასასრულებლად, მომხმარებელს მოეთხოვება ვებგვერდზე რეგისტრაცია ან არსებულ პროფილზე შესვლა. steamit.ge მომხმარებელს გადაჰყავს გადახდის სპეციალურ გვერდზე, სადაც შესაძლებელია ანგარიშსწორება. გადახდის განხორციელებამდე მომხმარებელი ვალდებულია გადაამოწმოს მითითებული საკონტაქტო ინფორმაცია და მისამართი, რათა უზრუნველყოს პროდუქციის სწორი და შეუფერხებელი მიწოდება. არასწორი ან არასრული ინფორმაციის შემთხვევაში პროდუქტის დაგვიანებული ან გაუქმებული მიწოდების პასუხისმგებლობა სრულად ეკისრება მომხმარებელს.

კონფიდენციალური მონაცემების შენახვის ვადა

steamit.ge პასუხისმგებლობას იღებს მომხმარებლის პერსონალური მონაცემების საიდუმლოებასა და უსაფრთხოებაზე.

მომხმარებლის შესახებ კონფიდენციალურ ინფორმაციას steamit.ge ინახავს/ამუშავებს კანონმდებლობით, წინამდებარე პოლიტიკითა და steamit.ge-ს სამუშაო სპეციფიკით გათვალისწინებული მიზნის მიღწევისათვის საჭირო ვადით.

steamit.ge წარმოადგენს იქომერს პლატფორმას, სადაც მომხმარებელი უფლებამოსილია რეგისტრაციის შემდეგ, კუთვნილი პროფილით არაერთჯერადად ისარგებლოს და შეუკვეთოს სასურველი ნივთი, გამომდინარე აქედან, steamit.ge-ს მიერ თავისი საქმიანობის განსახორციელებლად აუცილებელია პროფილის მონაცემთა დამუშავება პარალელურ რეჟიმში. აღნიშნული მონაცემთა დამუშავების მიზნიდან გამომდინარე შეუძლებელია მონაცემთა შენახვის ვადის კონკრეტულად განსაზღვრა. შესაბამისად, steamit.ge მონაცემებს ინახავს ვიდრე მომხმარებელი არ გამოთქვამს სურვილს მისი პერსონალური მონაცემების დამუშავებისა და მასთან გაფორმებული ხელშეკრულების შეწყვეტის შესახებ ან/და არ დადგება კანონით გათვალისწინებული შემთხვევები.

უსაფრთხოება

steamit.ge-თვის უმნიშვნელოვანესია მომხმარებლის მიერ მოწოდებული კონფიდენციალური ინფორმაციის დაცვა. მომხმარებლის პირადი ანგარიში ხელმისაწვდომია მხოლოდ მის მიერ შერჩეული მომხმარებლის სახელისა და პაროლის საშუალებით. გთხოვთ, აღნიშნული ავტორიზაციის მონაცემები არ გაანდოთ მესამე პირს. მესამე პირის მიერ ამ ინფორმაციის გამოყენებით განხორციელებული ქმედებებისთვის პასუხისმგებლობა სრულად ეკისრება მომხმარებელს და steamit.ge პასუხს არ აგებს ამგვარ შემთხვევებზე.

steamit.ge მიმართავს ყველა გონივრულ და ტექნიკურ ზომას მომხმარებლის პერსონალური ინფორმაციის უსაფრთხოების დასაცავად, მათ შორის მონაცემთა დაშიფვრა, სერვერების დაცვა, სისტემის რეგულარული განახლებები და წვდომის კონტროლი. მიუხედავად ამისა, steamit.ge  არ იღებს პასუხისმგებლობას და არ იძლევა გარანტიას იმ შემთხვევაში, თუ მესამე პირები არაკანონიერი გზებით მოიპოვებენ წვდომას steamit.ge-ს სერვერებზე ან სისტემებზე.

მესამე მხარე

steamit.ge იხსნის ყოველგვარ პასუხისმგებლობას სხვა ვებგვერდებთან მიმართებით, რომლებიც შესაძლოა განთავსებული იყოს გარე ბმულის სახით steamit.ge-ს ვებგვერდზე. სხვა ვებგვერდის კონფიდენციალურობის პოლიტიკა შესაძლოა განსხვავდებოდეს წინამდებარე პოლიტიკისგან. შესაბამისად, steamit.ge მოგიწოდებთ გაეცნოთ გარე ბმულის სახით მითითებული ვებგვერდის გამოყენების პირობებსა და კონფიდენციალურობის პოლიტიკას.

ცვლილებები და დამატებები

შესაძლებელია წინამდებარე დოკუმენტში განხორციელდეს ცვლილებები და დამატებები. ცვლილებების ან დამატებების შეტანის შემთხვევაში მომხმარებელი მიიღებს პირად შეტყობინებას ან შესაბამისი ინფორმაცია გამოქვეყნდება steamit.ge-ს ვებგვერდზე.

ცვლილებები და დამატებები ძალაში შედის steamit.ge-ს მიერ მომხმარებლისთვის პირადი შეტყობინების გაგზავნის ან ვებგვერდზე გამოქვეყნების შემდეგ. ცვლილებებისა და დამატებების ძალაში შესვლის შემდეგ, მომხმარებლის მიერ ვებგვერდით შემდგომი სარგებლობა განიხილება, როგორც აღნიშნულ ცვლილებებსა და დამატებებზე თანხმობა.

*კონფიდენციალურობის პოლიტიკასთან დაკავშირებული კითხვებისა და დამატებითი ინფორმაციის მიღების მიზნით დაგვიკავშირდით info@steamit.ge.